Erteń Shavkat Mırzıeev Astanaǵa keledi
TAShKENT. KAZINFORM — Prezıdent Qasym-Jomart Toqaevtyń shaqyrýymen Ózbekstan basshysy Shavkat Mırzıeev 21-22 sáýirde Astanaǵa jumys saparymen keledi, dep habarlaıdy Kazinform agenttiginiń Tashkenttegi menshikti tilshisi.
Sapar aıasynda Shavkat Mırzıeev Óńirlik ekologııalyq sammıtke jáne Halyqaralyq Araldy qutqarý qorynyń quryltaıshy memleketteri basshylary keńesiniń otyrysyna qatysady.
Іs-shara barysynda prezıdentter Ortalyq Azııanyń ornyqty damýyn qamtamasyz etý úshin óńirlik yntymaqtastyqty nyǵaıtý, aımaqtaǵy ózekti ekologııalyq jáne sý máselelerin sheshýge erekshe nazar aýdarady.
Sammıt qorytyndysy boıynsha birqatar mańyzdy qujat qabyldanady.
Buǵan deıin sý tapshylyǵynan bolatyn shyǵyn Ortalyq Azııa ekonomıkasynyń 11%-na deıin jetýi yqtımal ekenin jazyp edik.
Sondaı-aq, taıaýda Aýǵanstan sý resýrstaryn basqarý platformalaryna shaqyryp jatqan OA elderiniń erik-jigerin erekshe baǵalady.
Ózbekstandyq sarapshylardyń paıymynsha, 2030 jylǵa qaraı aımaq elderi aýyz sý tapshylyǵyn sezinýi múmkin.
