Erteń Şýchınskide bokstan áıelder arasynda QR chempıonaty bastalady
«Şýchınskidegi jarysta naýryz aıynda ótetin álem birinshiligine attanatyn negizgi quramdy anyqtaımyz. Jyl saıyn jastardyń ósip kele jatqany qýantady. Bul aldaǵy býyn aýysý kezeńinde jaqsy áser eteri sózsiz. Jastardyń bári de jeńisk qushtar, óz múmkindikterin kútip otyr», - dep keltiredi komandanyń bas bapkeri Shamıl Safıýllınniń sózin QR Ulttyq Olımpıada komıteti.
Onyń paıymynsha, jas sportshylar eldiń úzdik boksshylaryna básekelestik tanyta alady.
«Óıtkeni, elimizdegi básekelestik deńgeıi aıtarlyqtaı joǵary. Osy oraıda, Ulttyq Olımpıada komıteti men Boks federatsııasynyń eńbegin joǵary baǵalaımyn. Boksshylarymyzdyń jalaqysy da jaqsy. Munyń bári úlken rol oınaıdy. Bizdiń aldymyzda tek el namysyn abyroımen qorǵaý maqsaty tur», - dedi bas bapker.
