Erteń respýblıkanyń birqatar jerlerinde aýa raıy sýytady dep kútilýde
ASTANA. 20 qyrkúıek. QazAqparat - Qazaqstan aýmaǵynyń basym bóliginde joǵary qysym yqpalymen jaýyn-shashynsyz aýa raıy saqtalady, tek respýblıkanyń batysynda atmosferalyq aǵyndardyń ótýine baılanysty keı jerlerde jańbyr jaýyp, jel kúsheıedi. Bul týraly Qazgıdrometke silteme jasap, QR TJM habarlaıdy.
Respýblıkanyń soltústigi jáne soltústik-batysynda keı jerlerde tuman túsýi múmkin.
Jambyl, Qyzylorda, Atyraý oblystarynda keı jerlerde jel 18-23 m/s-qa kúsheıedi dep kútilýde, shań kóterilip, daýyl turady, Qyzylorda oblysynda jel ekpini 25 m/s bolady. Ońtústik Qazaqstan, Aqtóbe, kúndiz Mańǵystaý, Batys Qazaqstan, Qostanaı oblystarynda keı jerlerde jel 15-20 m/s-qa kúsheıedi.
Aqmola, Qostanaı, Soltústik Qazaqstan oblystarynda túnde jáne tańerteń tuman túsedi dep kútilýde.
Aqmola, Soltústik Qazaqstan, Pavlodar, Qaraǵandy oblystarynda, Almaty, Qostanaı, Shyǵys Qazaqstan oblystarynda keı jerlerde túnde 0-5 gradýs aıaz bolýy yqtımal.
Respýblıkanyń ońtústiginde, ońtústik-shyǵysynda keı jerlerde jáne ortalyǵynda joǵary órt qaýpi saqtalady.
