Erteń respýblıkanyń birqatar aımaqtarynda tuman túsip, jel kúsheıedi - Qazgıdromet
ASTANA. 14 qarasha. QazAqparat - Erteń Qazaqstan aýmaǵynyń basym bóliginde aýa raıy jaýyn-shashynsyz bolady, tuman túsedi. Respýblıkanyń batysynda keı jerlerde jańbyr jaýady, tuman túsedi, jel kúsheıedi. Bul týraly «Qazgıdrometke» silteme jasap, QR TJM baspasóz qyzmetinen habarlady.
Qostanaı, Shyǵys Qazaqstan oblystarynda túnde jáne tańerteń tuman túsedi dep kútilýde, kúndiz jel 15-20 m/s-ke kúsheıedi. Jambyl oblysynda keı jerlerde tuman túsedi, jel 15-20 m/s-ke kúsheımek. Atyraý oblysynyń da birqatar jerlerine tuman túsip, kúndiz jel 15-20 m/s-ke kúsheıedi. Aqmola, Almaty, Soltústik Qazaqstan oblystarynda túnde jáne tańerteń tuman túsýi yqtımal. Mańǵystaý, Batys Qazaqstan oblystarynda kúndiz keı jerlerde jel 15-20 m/s jyldamdyqpen soǵýy múmkin.
Jaqyn táýlikterde Syrdarııa ózeninde Shardara sý qoımasyna aǵyp keletin sý birte-birte ulǵaıady dep kútilýde, Qyzylorda oblysy sheńberinde sý deńgeıiniń tómendeýi jalǵasady. Shyǵys Qazaqstan oblysynyń jekelegen ózenderinde muz qalyptasý úrdisi ótedi. Respýblıkanyń ońtústigi jáne ońtústik-shyǵysynyń kóptegen ózenderinde sý beti jylynýy múmkin. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
