Erteń respýblıkanyń birqatar aımaqtarynda tuman túsedi - Qazgıdromet
ASTANA. 19 qarasha. QazAqparat - Erteń Qazaqstannyń batys bóliginde antıtsıklon yqpalymen aýa raıy jaýyn-shashynsyz bolady dep kútilýde. Al respýblıkanyń shyǵys bóliginde turaqsyz aýa raıy saqtalady, atmosferalyq aǵyndardyń ótýine baılanysty keı jerlerde jaýyn-shashyn bolady, tuman túsedi, kóktaıǵaq bolady, burqasyndatyp, jel kúsheıedi.
Bul týraly «Qazgıdrometke» silteme jasap, QR TJM baspasóz qyzmetinen habarlady.
Shyǵys Qazaqstan oblysynda keı jerlerde burqasyndatyp, kóktaıǵaq bolady, jel 17-22 m/s-ke kúsheıedi, al ekpini 25 m/s bolady. Qaraǵandy oblysynyń birqatar aımaqtarynda azdap burqasyndatyp, jel 17-22 m/s-ke kúsheıedi, túnde jáne tańerteń jekelegen aýdandarda tuman túsedi dep kútilýde.
Jambyl oblysynda, túnde Qostanaı oblysynda keı jerlerde tuman túsedi dep kútilýde, kóktaıǵaq bolady, jekelegen aýdandarda ekpini 15-20 m/s jel soǵady. Ońtústik Qazaqstan, Mańǵystaý oblystarynda keı jerlerde tuman túsedi dep kútilýde, jekelegen aýdandarda jel ekpini 15-20 m/s-ke ulǵaıady. Aqmola, Pavlodar oblystarynda keı jerlerde azdaǵan burqasyn soǵyp, jel 15-22 m/s-ke kúsheıedi. Almaty, Soltústik Qazaqstan oblystarynda, kúndiz Atyraý oblysynda keı jerlerde jel 15-22 m/s-ke kúsheıýi múmkin. Qyzylorda oblysynyń jekelegen aýdandarda tuman túsedi dep kútilýde.
