Erteń respýblıkanyń bes oblysynda aýa raıy sýytady dep kútilýde
ASTANA. 16 qyrkúıek. QazAqparat - Respýblıkanyń basym bóliginde antıtsıklon yqpalymen jaýyn-shashynsyz aýa raıy saqtalady, tek respýblıkanyń batys jáne shyǵys bóliginde belsendi atmosferalyq aǵyndardyń ótýine baılanysty keı jerlerdi jańbyr jaýyp, naızaǵaı jarqyldaıdy.
Bul týraly Qazgıdrometke silteme jasap, QR TJM habarlaıdy.
Respýblıka boıynsha keı jerlerde jel kúsheıedi dep kútilýde, soltústikte jáne soltústik-batysta tuman túsedi.
Atyraý oblysynda, kúndiz Ońtústik Qazaqstan, Mańǵystaý, Batys Qazaqstan oblystarynda keı jerlerde jel 15-20 m/s-qa kúsheıedi dep kútilýde, Mańǵystaý oblysynda shań kóterilip, daýyl turady.
Qostanaı, Soltústik Qazaqstan, Shyǵys Qazaqstan oblysynda keı jerlerde túnde jáne tańerteń tuman túsedi dep kútilýde, kúndiz Qostanaı, Shyǵys Qazaqstan oblystarynda keı jerlerde jel 15-20 m/s-qa kúsheıedi.
Aqmola, Qostanaı, Soltústik Qazaqstan, Qaraǵandy jáne Shyǵys Qazaqstan oblystarynda túnde keı jerlerde 0-3 gradýs aıaz bolady dep kútilýde.
Respýblıkanyń ońtústiginde, ońtústik-shyǵysynda jáne ortalyǵynda keı jerlerde joǵary órt qaýipi saqtalady.
