Erteń respýblıkanyń batysynda jańbyr jaýady
ASTANA. 23 qyrkúıek. QazAqparat - Qazaqstan aýmaǵynyń shyǵys jáne ortalyq bóliginde joǵary qysym yqpalymen jaýyn-shashynsyz aýa raıy saqtalady, tek respýblıkanyń batys bóliginde atmosferalyq aǵyndardyń ótýine baılanysty keı jerlerde jańbyr jaýyp, naızaǵaı jarqyldaıdy, jel kúsheıedi, ońtústik-batysta shań kóterilip, daýyl turady, tuman túsedi. Bul týraly «Qazgıdrometke» silteme jasap, QR TJM baspasóz qyzmeti habarlaıdy.
Jambyl, Qaraǵandy oblystarynda, tańerteń jáne kúndiz Qostanaı oblysynda, kúndiz Qyzylorda, Atyraý, Batys Qazaqstan jáne Shyǵys Qazaqstan oblystarynda keı jerlerde jel 15-20 m/s-qa kúsheıedi, Qyzylorda oblysynda shań kóterilip, daýyl turady. Atyraý oblysynda túnde jáne tańerteń tuman túsedi dep kútilýde. Almaty oblysynda Alakól ózeni aýdanynda jel 20-25 m/s-qa deıin kúsheıedi, kúndiz jel ekpini 30 m/s-ten asady.
Respýblıkanyń ońtústiginde, ońtústik-batysynda, ońtústik-shyǵysynyń keı jerlerinde jáne ortalyǵynda joǵary órt qaýpi saqtalady.
Jaqyn táýlikterde respýblıkanyń ońtústigi, ońtústik-shyǵysy jáne shyǵysynyń taýly ózenderinde sý deńgeıiniń turaqsyzdyǵy qadaǵalanady.
