Erteń respýblıkanyń batysynda boran, soltústiginde, ońtústigi men shyǵysynda tuman túsedi dep boljanýda

Bul aqparatty QR Tótenshe jaǵdaılar mınıstrligi Qazgıdromet málimetterine silteme jasap habarlap otyr.

Vedomstvonyń atap ótýinshe, respýblıkanyń basym aýmaǵynyń aýa raıyna antıtsıklon áseri yqpal etpek. Tek Qazaqstannyń batysy men ońtústik-shyǵysy ǵana atmosferalyq aǵyndardyń yqpalynda bolyp, qar, tuman, kóktaıǵaq bolady jáne jel turatyny boljanýda.

Almaty oblysynyń Jalańashkól aýdanynda ońtústik shyǵystan jyldamdyǵy sekýndyna 18-23 metrge jetetin jel soǵady.

Aqmola, Jambyl, Pavlodar, Soltústik Qazaqstan, túnde Qaraǵandy, Shyǵys Qazaqstan oblystarynyń keı jerlerinde tuman túsetindigi boljanýda.

Ońtústik Qazaqstan, Atyraý oblystarynyń keı jerlerinde tuman túsip, kóktaıǵaq bolady. Qyzylorda oblysynyń da keı óńirinde tuman, kóktaıǵaq bolyp, jel ekpini sekýndyna 15-20 metrge jetedi. Mańǵystaý oblysynda boran, kóktaıǵaq jáne jyldamdyǵy sekýndyna 18 metrge jetetin jel soǵady dep kútilýde. Al Batys Qazaqstan, Aqtóbe oblystarynyń da keı jerlerinde boran turyp, jeldiń ekpini sekýndyna 15-20 metrge jetedi.

Taıaýdaǵy úsh táýlikte respýblıkanyń sý aıdyndarynda muz qatý jalǵasady. Degenmen, birqatar ózenderdiń arnalarynda muz keptelisi saldarynan sýdyń deńgeıi kóterilýi múmkin.