Erteń respýblıkanyń batysy men soltústik-batysynda jaýyn, tuman, kóktaıǵaq, burqasyn jáne kúshti jel boljanýda
ASTANA. 25 qańtar. QazAqparat - «Qazgıdromettiń» boljaýynsha, erteń 27 qańtar kúni respýblıkanyń batys, soltústik-batys aýmaqtary atmosferalyq aǵymdardyń yqpalynda bolyp, jekelegen óńirlerde jaýyn (qar basym), tuman, kóktaıǵaq, burqasyn jáne kúshti jel kútilýde. Qazaqstannyń qalǵan aýmaqtaryna antıtsıklon taramdarynyń áseri saqtalady.
Máselen, kúndiz Almaty oblysy Jalańashkól aýmaǵynda ońtústik-shyǵystan 15-20 m/s ekpinde jel soǵady.
Jambyl oblysynyń keı jerlerinde tuman boljanýda, jeldiń ekpini 15-20, taýly asýlarda 25 m/s bolady.
Ońtústik Qazaqstan, Qyzylorda, Mańǵystaý oblystarynda - keı jerlerde tuman, jeldiń ekpini sekýndyna 15-20 metrdi quraıdy.
Aqmola, Qostanaı, Soltústik Qazaqstan oblystarynyń jekelegen óńirlerinde burqasyndatyp, 15-22 m/s jyldamdyqta jel turady.
Qaraǵandy, kúndiz Shyǵys Qazaqstan oblystarynda - jeldiń kúshi sekýndyna 15-20 metrdi quraıdy.
Atyraý oblysynda keı óńirlerde tuman túsip, kóktaıǵaq bolady. Kóktaıǵaq sondaı-aq Batys Qazaqstan oblysynda kútilýde.
Gıdrologııalyq boljamdarǵa sáıkes, aldaǵy táýlikte Qazaqstannyń basym ózenderinde (Jaıyq, Esil, Nura, Ertis jáne t.b.) qysqy úrdister saqtalyp, muz qalyńdaı túsedi. Almaty, Ońtústik Qazaqstan jáne Shyǵys Qazaqstan oblystarynyń jekelegen ózenderinde muzdyń qatýymen sýdyń deńgeıi kóterilýi yqtımal. Syrdarııa ózeniniń Ońtústik Qazaqstan men Qyzylorda oblystarynyń aýmaǵynan aǵyp ótetin bóliginde sýdyń qalypty deńgeıden aýytqýy baıqalady.
