Erteń respýblıkanyń basym bóliginde aýa raıy jaýyn-shashynsyz bolady - Qazgıdromet
ASTANA. 4 qarasha. QazAqparat - Erteń respýblıkanyń basym bóliginde antıtsıklon yqpalymen aýa raıy jaýyn-shashynsyz bolady dep kútilýde. Tek Qazaqstannyń soltústiginde, soltústik-batysynda atmosferalyq aǵyndardyń ótýine baılanysty aýa raıy turaqsyz bolýy múmkin, keı jerlerde jańbyr jaýady, jel kúsheıedi, tuman túsýi baıqalady. Bul týraly «Qazgıdrometke» silteme jasap QR TJM baspasóz qyzmetinen habarlaıdy.
Aqmola, Qostanaı oblystarynda, kúndiz Qaraǵandy oblysynda jel 15-20 m/s-qa deıin kúsheıedi, túnde jáne tańerteń tuman túsedi dep kútilýde. Soltústik Qazaqstan, Pavlodar, Shyǵys Qazaqstan oblystarynda jel 15-20 m/s-qa deıin kúsheıedi. Almaty, Jambyl, Atyraý oblystarynda keı jerlerde tuman túsýi yqtımal.
Jaqyn táýlikterde Shardara sý qoımasynda sý ulǵaıady dep kútilýde. Shyǵys Qazaqstan oblysynyń jekelegen ózenderinde jańbyr jaýady dep boljanýyna baılanysty sý kólemi ulǵaıýy múmkin. Soltústik oblystardyń ózenderinde sý betiniń birte-birte salqyndaýy baıqalady.
Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
