Erteń respýblıkanyń basym bóligi jaýyn-shashyndy bolady
ASTANA. 25 qyrkúıek. QazAqparat - Qazaqstan aýmaǵynyń basym bóliginde atmosferalyq aǵyndardyń ótýine baılanysty jaýyn-shashyn bolady, jel kúsheıedi, jekelegen aýdandarda naızaǵaı jarqyldaıdy dep kútilýde. Tek respýblıkanyń ońtústik-shyǵysynda jaýyn-shashynsyz aýa raıy saqtalady. Bul týraly «Qazgıdrometke» silteme jasap, QR TJM baspasóz qyzmetinen habarlaıdy.
Aqmola, Pavlodar, Qaraǵandy, Shyǵys Qazaqstan, Atyraý, Batys Qazaqstan oblystarynda, kúndiz Ońtústik Qazaqstan, Mańǵystaý, Aqtóbe oblystarynda keı jerlerde jel 15-20 m/s-qa kúsheıedi. Qostanaı oblysynda túnde keı jerlerde tuman túsedi, túnde jáne tańerteń keı jerlerde jel 15-20 m/s-qa kúsheıedi. Soltústik Qazaqstan oblysynda keı jerlerde jel 15-20 m/s-qa kúsheıedi dep kútilýde, túnde jáne tańerteń tuman túsedi.
Respýblıkanyń ońtústiginde, ońtústik-shyǵysynda keı jerlerde jáne ortalyǵynda joǵary órt qaýpi saqtalady.
Jaqyn táýlikterde respýblıkanyń ońtústigi, ońtústik-shyǵysy jáne shyǵysynyń taýly ózenderinde sý deńgeıiniń turaqsyzdyǵy qadaǵalanady. Gıdrologııalyq tártipte Qazaqstannyń qalǵan sýly nysandarynda aıtarlyqtaı ózgerister kútilmeıdi.
