Erteń respýblıka aýmaǵynyń basym bóliginde turaqsyz aýa raıy saqtalady - Qazgıdromet
ASTANA. 19 jeltoqsan. QazAqparat - Qazaqstan aýmaǵynyń basym bóliginde aýa raıynyń turaqsyzdyǵy saqtalady, atmosferalyq aǵyndardyń ótýine baılanysty jaýyn-shashyn saqtalady, jel kúsheıedi, boran soǵady, keı jerlerde kóktaıǵaq bolady, tuman túsedi, tek respýblıkanyń shetkeri ońtústik-shyǵysynda jáne batysynda aýa raıy jaýyn-shashynsyz bolady. Bul týraly «Qazgıdrometke» silteme jasap, QR TJM baspasóz qyzmetinen habarlady.
Pavlodar oblysynda túnde 17-22 m/s jel soǵady dep kútilýde, keı jerlerde qatty boran soǵyp, jel ekpini 25 m/s bolady, kúndiz keı jerlerde boran soǵyp, 15-20 m/s jel soǵady.
Aqmola oblysynda boran soǵady dep kútilýde, túnde 15-20 m/s jel soǵady, keı jerlerde jel ekpini 25 m/s bolady, kúndiz keı jerlerde 15-20 m/s jel soǵady. Qaraǵandy oblysynda túnde boran soǵady dep kútilýde, 15-20 m/s jel soǵady, jel ekpini 25 m/s bolady, kúndiz keı jerlerde boran soǵady, kóktaıǵaq bolady, 17-22 m/s jel soǵady. Aqtóbe, Qostanaı, Soltústik Qazaqstan, Shyǵys Qazaqstan oblystarynda keı jerlerde boran soǵyp, jel 15-22 m/s-ke kúsheıedi.
Qyzylorda oblysynyń birqatar aımaqtarynda boran soǵady, tuman túsedi, 15-20 m/s jel soǵady. Mańǵystaý, Atyraý oblystarynda keı jerlerde tuman túsedi dep kútilýde, kóktaıǵaq bolady, kúndiz Atyraý oblysynda keı jerlerde 15-20 m/s jel soǵady. Jambyl oblysynda keı jerlerde tuman túsedi dep kútilýde, tańerteń jáne kúndiz 15-20 m/s jel soǵady. Ońtústik Qazaqstan oblysynyń birqatar aımaqtarynda tuman túsip, jel ekpini 15-20 m/s-ke deıin barady. Almaty oblysynyń Jalańashkól aýdanynda jel 15-20 m/s-ke kúsheıedi.
Jaqyn táýlikterde Qazaqstannyń sýly nysandarynda muz qalyptasý úrdisi jalǵasady, jekelegen ózenderde sý deńgeıi kóteriledi, seń qalyptasady.
