Erteń respýblıka aýmaǵynyń basym bóliginde aýa raıy turaqsyz bolady - Qazgıdromet
ASTANA. 15 qarasha. QazAqparat - Erteń Qazaqstan aýmaǵynyń basym bóliginde atmosferalyq aǵyndardyń ótýine baılanysty aýa raıy turaqsyz bolady dep kútilýde, keı jerlerde jaýyn-shashyn bolady, jel kúsheıedi, jekelegen aýdandarda tuman túsedi, respýblıkanyń ońtústigi, shyǵysy jáne ortalyǵynda aýa raıy jaýyn-shashynsyz bolady. Bul týraly «Qazgıdrometke» silteme jasap, QR TJM baspasóz qyzmetinen habarlady.
Almaty oblysynda túnde keı jerlerde tuman túsedi, Jalańashkól aýdanynda jel 18-23 m/s-ke kúsheıip, ekpini 28 m/s bolady. Jambyl, Qyzylorda oblysynda, túnde Aqmola oblysynda keı jerlerde tuman túsedi. Atyraý, Batys Qazaqstan oblystarynda, túnde Mańǵystaý, kúndiz Ońtústik Qazaqstan, Soltústik Qazaqstan, Shyǵys Qazaqstan oblystarynyń bir qatar aımaqtarynda jel ekpini 15-20 m/s bolýy múmkin. Aqtóbe, Qostanaı oblystarynda keıbir jerlerinde tuman túsedi, kóktaıǵaq bolady, jel 15-20 m/s-ke kúsheıedi.
Jýyrdaǵy úsh táýlikte Ońtústik Qazaqstan aýmaǵynda Syrdarııa ózeninde Shardara sý qoımasynan sý aǵyny ulǵaıady dep kútilýine baılanysty sý kólemi ulǵaıýy yqtımal. Batys Altaıdyń jekelegen ózenderinde jaýyn-shashyn bolady dep boljanýyna baılanysty sý deńgeıi kóterilýi múmkin. Qazaqstannyń soltústik bóliginiń kóptegen ózenderinde sý betiniń birte-birte salqyndaýy baıqalady. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
