Erteń pavlodarlyq oqýshylar qashyqtan oqıdy

ASTANA. KAZINFORM — 11 qarashada Pavlodar oblysynda 1-aýysymdaǵy mektepaldy daıarlyq toptary men 1–4 synyp oqýshylary mektepke barmaıdy, dep habarlaıdy oblystyq bilim basqarmasynyń baspasóz qyzmeti.

— 2025 jylǵy 11 qarasha kúni Pavlodar oblysynyń barlyq mektepterinde 1-aýysymdaǵy mektepaldy daıarlyq toptary men 1–4 synyp oqýshylarynyń sabaqtary aýa raıynyń qolaısyzdyǵyna baılanysty (temperatýra 0–5°S, jeldiń jyldamdyǵy 15–20 m/s, kóktaıǵaq) qashyqtan oqytý formatyna aýystyrylady, — delingen basqarma habarlamasynda.

Sondaı-aq, vedomstvo málimetinshe, barlyq mekteptegi oqýshylardy tasymaldaý toqtatylady.

Osydan buryn Aqtaýda oqýshylardyń jartysynan kóbi sabaqqa kelmeı qalǵany anyqtaldy.