Erteń Parlament Májilisiniń jalpy otyrysy ótedi
ASTANA. Qazannyń 12-si. QazAqparat - Erteń, qazannyń 13-i kúni, Parlament Májilisiniń jalpy otyrysy ótedi. Onda birqatar zań jobalary qaralady.
Májilistiń jalpy otyrysynda «1998 jylǵy 12 qazandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasynyń Reseı Federatsııasyndaǵy jáne Reseı Federatsııasynyń Qazaqstan Respýblıkasyndaǵy dıplomatııalyq ókildikteri men konsýldyq mekemelerin ornalastyrý jáne olarǵa qyzmet kórsetý sharttary týraly kelisimge ózgerister engizý týraly hattamany ratıfıkatsııalaý týraly» zań jobasy talqyǵa túsedi.
Bul zań jobasy boıynsha Syrtqy ister mınıstriniń orynbasary Rapıl Joshybaev baıandama jasaıdy dep kútilýde. Sonymen qatar Májilistiń Halyqaralyq ister, qorǵanys jáne qaýipsizdik komıtetiniń múshesi Baǵıla Baımaǵambetova qosymsha túsinik beredi.
Sonymen birge Úkimetten kelip túsken jańa zań jobalaryna qorytyndy ázirleý ýaqyttaryn naqtylaý boıynsha Palata sheshim shyǵarady.
