Erteń ózbekstandyq sheneýlikter jumysqa qoǵamdyq kólikpen barýy tıis
TAShKENT. KAZINFORM – 29 naýryz kúni Ózbekstan astanasy Tashkentte «Avtokóliksiz kún» aktsııasy ótkiziledi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstannyń Ekologııa mınıstrliginen málim etkendeı, aktsııa zııandy kólik gazdarynyń aýa sapasyna tıgizip jatqan teris áserin azaıtý maqsatynda uıymdastyrylyp otyr. Onyń talabyna saı, erteń barlyq bılik organdarynyń basshylary men qyzmetkerleri jumysqa qoǵamdyq kólikpen kelýi tıis.
«Barshańyzdy bul aktsııaǵa beı-jaı qaramaýǵa, tıisinshe qoǵamdyq kólik, velosıped jáne qorshaǵan ortaǵa zııanyn tıgizbeıtin ózge de kólik túrlerin paıdalanýǵa shaqyramyz», - delingen Ekologııa mınıstrliginiń málimdemesinde.
Aıta keteıik, atalmysh aktsııany uıymdastyrý týraly jarlyqqa Ózbekstan prezıdenti Shavkat Mırzıeev 21 aqpan kúni qol qoıǵan bolatyn.
Oǵan saı, keńsesi Tashkentte ornalasqan barlyq respýblıkalyq jáne jergilikti atqarýshy bılik organdarynyń basshylary men ózge de qyzmetkerlerine qoǵamdyq kólikpen jumysqa barý arqyly kópshilikke úlgi kórsetýi qajet.
Qosa keteıik, 2023 jyldyń qorytyndysy boıynsha, Tashkent álemdegi aýasy qatty lastanǵan 30 qalanyń qataryna engen edi.