Erteń Ózbekstan prezıdenti Shavkat Mırzıeev Túrkistanǵa keledi
TAShKENT. KAZINFORM — Memleket basshysy Qasym-Jomart Toqaevtyń shaqyrýymen 15 mamyrda Ózbekstan prezıdenti Shavkat Mırzıeev Qazaqstanǵa jumys saparymen barady, dep habarlaıdy Kazinform agenttiginiń Tashkenttegi menshikti tilshisi.
Kórshiles eldiń basshysy Túrkistan qalasynda ótetin Túrki memleketteri uıymynyń «Jasandy ıntellekt jáne tsıfrlyq damý» taqyrybyndaǵy beıresmı sammıtine qatysady.
Shavkat Mırzıeevtiń baspasóz qyzmetinen habarlaǵandaı, is-shara barysynda uıym aıasyndaǵy yntymaqtastyqty nyǵaıtý múmkindikteri qaralady. Atap aıtqanda, prezıdentter saýda-ekonomıkalyq, ınvestıtsııalyq baılanystardy tereńdetý, saýda dálizderi men tsıfrlyq ınfraqurylymdy damytý, ınnovatsııalyq tehnologııalardy engizý máselelerin talqylaıdy.
Sonymen qatar memleket basshylary halyqaralyq jáne óńirlik mańyzdy máseleler boıynsha pikir almasady.
Sammıt qorytyndysy boıynsha Túrkistan deklaratsııasyn qabyldaý josparlanyp otyr.
Eske salaıyq, erteń Túrkistan qalasynda Túrki memleketteri uıymynyń beıresmı sammıti ótedi. Aýqymdy is-shara aldynda uıymnyń Bas hatshysy Kýbanychbek Omýralıev Kazinform tilshisine bergen jazbasha suhbatta alǵashqy besjyldyq qandaı jetistiktermen túıindelip jatqanyn aıtty.
