Erteń Óskemende «Astana arlandary» ózbek boksshylarymen kezdesedi

Atalǵan shara Shyǵys Qazaqstanda birinshi ret ótip otyr. Ótken maýsymda otandyq kásipqoı boks klýby óziniń qarsylastaryn Qazaqstannyń Astana, Almaty, Qaraǵandy jáne Shymkent qalalarynda qarsy alǵan edi. Al bıylǵy jyly saıystyń ótý orny ózgerip Petropavl men Óskemen qalasynda uıymdastyryldy.26 naýryzda Petropavlda ótken kezdesýde «Astana Arlandary» pýertorıkandyq «Puerto-Rico Hurricanes» klýbyn oısyrata jeńip, kezdesý 5:0 esebimen aıaqtalǵan.

Ótip jatqan 6-shy maýsymnyń kórsetkishterin aıta ketsek, Qaraǵandy qalasynda ótken kezdesýde «Astana arlandary» Ázerbaıjannyń «Baký Faırs» komandasymen kezdesip, 4:1 esebimen jeńiske jetti. Keıinnen Pýerto Rıkoda josparlanǵan match ótpeıtindigi jarııalandy. 27 aqpannda Ózbekstan astanasy Tashkentte ótken match barysynda «Astana arlans» 4:1 esebimen jeńiliske ushyrady. Degenmen, Bakýde ótken kezdesýde 2:3 esebimen jeńisti qanjyǵalaryna baılady.

Óskemende ótetin match - osy maýsymdaǵy sońǵy oıyn. Dál osy kezdesýden keıin «Astana arlandary» óz tobynda neshinshi orynǵa aıaq tireıtindigi belgili bolady. Ázirge tizimdi 13 upaımen Ózbekstannyń «Uzbek Tigers» komandasy bastap tur. Al «Astana Arlandary» 12 upaımen 2-shi orynda. Saıystan keıin eń joǵary upaı jınaǵan 2 komanda pleı-offqa shyǵady.

Qazirgi tańda belgili bolǵandaı, «Astana arlandary» komandasy atynan el namysyn 5 boksshy qorǵamaq. Olar: Azat Mahmetov (52 keli), Zakır Safıýllın (60 keli),  Aslanbek Shymbergenov (69 keli), Arman Rysbek (81keli),  Qamshybek Qońqabaev (91 keliden joǵary). Atalǵan boksshylar arasynda Azat Mahmetov, Arman Rysbek jáne Qamshybek Qońqabaev sharshy alańǵa alǵash ret shyǵyp, komanda atynan birinshi kezdesýlerin ótkizbek.

   

Jekpe-jekke qatysatyn boksshylary juby