Erteń Óskemen mektepterinde sabaq bolmaıdy
ÓSKEMEN. QazAqparat - Qalalyq bilim berý bólimi dúısenbide birinshi aýysymdaǵy 1-11 synyp oqýshylary men 1-2 kýrs stýdentteri úshin sabaq bolmaıtynyn málimdedi, dep habarlaıdy QazAqparat tilshisi.
Qala ákimdigi turǵyndardy jeke kóliginen bas tartyp qozǵamaı, qoǵamdyq kólikterdi paıdalanýǵa shaqyrýda. Jeke kólikterdiń kóptigi kommýnaldyq qyzmet jumystaryna kedergi keltirýde. Al qalanyń shektkeri aýdandarynda turatyndarǵa balalaryn qaraýsyz qaldyrmaý kerektigi eskertildi.
Qarǵyn sýmen kúres Óskemen qalasynan bólek Aıagóz, Ulan jáne Kúrshim aýdandarynda da qyzý júrip jatyr.
Tolassyz jańbyr taý shatqalymen ótetin joldarǵa kóshkin qaýpin tóndirýde. Osyǵan baılanysty Óskemen-Zyrıan baǵytyndaǵy jol jabylǵan bolatyn. Óskemen qalasynyń ákimdigi osynyń saldarynan qosymsha poıyz reısin shyǵarmaqshy.
«Avtokólik joly jabylýyna baılanysty 11 naýryz kúni Zaşıta-Zyrıan baǵytynda №641 poıyz qosymsha reıspen jolǵa shyǵady» - delingen qala ákimdigi Feısbýktegi paraqshasyndaǵy taratqan aqparatta.
Foto: 1045theriver.com
