Erteń Mońǵolııa prezıdenti Ózbekstanǵa memlekettik saparmen barady
TAShKENT. KAZINFORM – Shavkat Mırzıeevtiń shaqyrýymen Mońǵolııa prezıdenti Ýhnaagıın Hýrelsýh 23-26 maýsymda Ózbekstanǵa memlekettik saparmen barady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstan basshysynyń baspasóz qyzmetinen málimdegendeı, sapar baǵdarlamasyna saı, eki el prezıdentteri Tashkent qalasynda kelissóz júrgizedi. Onyń barysynda ózbek-mońǵol dostyǵy men kópjosparly yntymaqtastyq qatynastaryn odan ári keńeıtý jáne nyǵaıtý máseleleri qaralady.
Atap aıtqanda, Shavkat Mırzıeev pen Ýhnaagıın Hýrelsýh syndarly saıası dıalog pen parlamentaralyq baılanystardy damytý, ózara taýar aınalymyn ulǵaıtý, aýyl sharýashylyǵy, jeńil ónerkásip, densaýlyq saqtaý, jáne kólik-logıstıka salalaryndaǵy yntymaqtastyqtyń jaı-kúıin talqylamaq. Buǵan qosa, eki el basshylary halyqaralyq máseleler boıynsha pikir almasady.
Memlekettik sapar aıasynda Shavkat Mırzıeev pen Ýhnaagıın Hýrelsýh jetekshi kompanııalar men isker toptardyń ókilderimen kezdesý ótkizedi. Kelissóz qorytyndysy boıynsha úkimetaralyq jáne vedomstvoaralyq birneshe mańyzdy qujatqa qol qoıý josparlanǵan.
Sondaı-aq, Mońǵolııa prezıdenti Ýhnaagıın Hýrelsýh Hıýa qalasyna baryp, ózbek halqynyń baı mádenı-tarıhı murasymen tanysady.
Eske salsaq, Mońǵolııa prezıdenti Ýhnaagıın Hýrelsýh keıingi ret Ózbekstanǵa 2022 jyly qyrkúıekte ShYU memleket basşylarynyń keńesine qatysý úshin kelgen bolatyn.
