Erteń «Mereıli otbasy» konkýrsynyń jeńimpazdary marapattalady

ASTANA. QazAqparat - 3 maýsymda elordadaǵy Beıbitshilik jáne kelisim saraıynda saǵat 15:00-de «Mereıli otbasy» ulttyq konkýrsynyń qalalyq kezeńiniń jeńimpazdaryn marapattaý saltanaty ótedi. «Mereıli otbasy» ulttyq konkýrsy osymen úshinshi jyl qatarynan ótkizilip otyr, dep habarlaıdy qalalyq ákimdiktiń baspasóz qyzmeti.

Konkýrsqa qatysýshylar úsh kezeńnen ótedi - aýdandyq, oblystyq jáne respýblıkalyq.

«Mereıli otbasy» ulttyq konkýrsyn ótkizý Erejelerine sáıkes, ústimizdegi jyldyń sáýir aıynan bastap Astana qalasynyń turǵyndarynan qujattar qabyldana bastady. Atalǵan kezeńde qala ákimdigine elordalyq otbasylardan 94 ótinish kelip tústi. Kandıdattardyń ishinde ár túrli tarıhy bar jáne otbasylyq baqytqa qol jetkizýdiń erekshe joldaryn biletin áýletter bar.

Konkýrs qorytyndysy boıynsha úzdik otbasylardy marapattaý saltanatynda qazaqstandyq estrada juldyzdary óner kórsetedi.