Erteń Májilistiń osy sessııadaǵy alǵashqy otyrysy ótedi
ASTANA. 4 qyrkúıek. QazAqparat - Búgin Májilis Tóraǵasy Nurlan Nyǵmatýlın Palata Bıýrosynyń osy sessııadaǵy birinshi otyrysyn ótkizdi.
Onda salalyq komıtetterdiń usynýy boıynsha ekinshi sessııadaǵy Májilistiń alǵashqy jalpy otyrysynyń kún tártibin bekitti. Bul týraly Májilistiń baspasóz qyzmetinen habarlandy.
Palata otyrysynyń kún tártibine salalyq komıtetter qorytyndy ázirleıtin zań jobalarynyń bir parasyn shyǵaratyn boldy. Atap aıtqanda, Áleýmettik-mádenı damý komıteti «Balalardy densaýlyǵy men damýyna zııan tıgizetin aqparattan qorǵaý týraly» jáne «Qazaqstan Respýblıkasyndaǵy merekeler týraly» zań jobalaryn usynady. Al Zańnama jáne sot-quqyqtyq reforma komıteti «Qazaqstan Respýblıkasyndaǵy sot-saraptama qyzmeti týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zańynyń jobasymen jumys jasaıtyn bolady. Halyqaralyq ister, qorǵanys jáne qaýipsizdik komıteti «Keden odaǵynyń kedendik shekarasy arqyly qolma-qol aqsha qarajatyn jáne (nemese) aqsha quraldaryn ótkizý kezinde qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly shartty ratıfıkatsııalaý týraly» jáne «Qazaqstan Respýblıkasy men Ispanııa Koroldigi arasyndaǵy Qylmystyq ister boıynsha ózara quqyqtyq kómek týraly konventsııany ratıfıkatsııalaý týraly», «Qazaqstan Respýblıkasy men Iran Islam Respýblıkasy arasyndaǵy ustap berý týraly shartty ratıfıkatsııalaý týraly», «Qazaqstan Respýblıkasy men Qasıetti Taq arasyndaǵy Ózara qatynastar týraly kelisimdi ratıfıkatsııalaý týraly» zań jobalaryn qaraıtyn bolady. Qarjy jáne bıýdjet komıteti «Qazaqstan Respýblıkasynyń keıbir zańnamalyq aktilerine saqtandyrý jáne ıslamdyq qarjylandyrý máseleleri boıynsha ózgerister men tolyqtyrýlar engizý týraly» zań jobasymen jumys jasaıdy.
Májilis Bıýrosy, sonymen qatar, erteńgi kún tártibinde Palatanyń uıymdastyrý máselesin de qarastyratyn bolady.
