Erteń mádenıet pen óner mekemeleriniń qyzmetkerleri úshin uıymdastyrylǵan halyqaralyq semınar-praktıkým óz máresine jetedi
ASTANA. 5 jeltoqsan. QazAqparat - Qazaqstan Respýblıkasy Mádenıet jáne aqparat mınıstrligi 26 qarasha men 6 jeltoqsan aralyǵynda mádenıet pen óner mekemeleriniń qyzmetkerleri úshin sheteldik jáne otandyq jetekshi mádenıet pen bilim maıtalmandarynan quralǵan kásibı professor-ustazdardyń qatysýymen "Astana: elorda kúnin ótkizý tájirıbesi"- atty halyqaralyq semınar-praktıkým ótkizdi.
Bul semınar-praktıkým Qala kúnin uıymdastyrý men ótkizý sharalary boıynsha ózara tájirıbe almasý, sheteldik, otandyq mekemeler arasynda shyǵarmashylyq baılanys ornatýǵa jáne elorda mártebesin aımaqtyq mádenı ortalyq retinde ári qaraı damytýǵa negizdelgen.
"Astana: elorda kúnin ótkizý tájirıbesi" atty semınar-praktıkým aıasynda máskeýlik "Óner, mádenıet jáne týrızm akademııasy" lektorlary memlekettik mekemelerge, Qazaqstannyń barlyq aımaqtaryndaǵy mádenıet pen óner qyzmetkerlerine arnalǵan on kúndik sabaq ótkizdi. Reseı, Qyrǵyzstan, Belarýskelgen jetekshi óner sheberleriniń master-klastary uıymdastyryldy. Erteń "Astana: elorda kúnin ótkizý tájirıbesi" atty konferentsııa Qazaqstandyq jáne shet eldik tyńdaýshylardyń qatysýymen ótedi.
6 jeltoqsan kúni semınar-praktıkým qortyndysy boıynsha barlyq tyńdaýshylarǵa «Shyǵarmashylyq ındýstrııadaǵy menedjment pen marketıng», «Kitaphana isi», «Mýzeı isi», «Rejıssýra», «Stsenarıı» sektsııalary boıynsha mamandyǵyn jetildirgeni týraly memlekettik úlgidegi kýálik beriledi.
