Erteń Qyrǵyzstanda Jogorký Kenesh depýtattarynyń saılaýy ótedi
BІShKEK. QazAqparat – Qyrǵyzstanda tynyshtyq kúni ornady, kandıdattardyń saılaýaldy úgitteýi 3 qazan túninde aıaqtalǵan. Bul týraly QazAqparat Kabar agenttigine silteme jasap habarlaıdy.
Bul kúni saıası partııalardyń úgitteý naýqanyn ótkizýge quqyǵy joq.
Sondaı-aq, úgitteýdi Qyrǵyz Respýblıkasyndaǵy OSK úgitteý úshin akkredıttelgen buqaralyq aqparat quraldary men ınternet-basylymdardyń da úgit júrgizýge quqyǵy joq.
Tynyshtyq kúnin buzý jaǵdaıynda OSK saılaý protsesiniń qatysýshylary buzýshyǵa qatysty sharalar qoldanýǵa quqyly.
Qyrǵyzstanda Jogorký Kenesh depýtattaryn saılaý 2020 jyldyń 4 qazanyna belgilengen.
Oǵan barlyǵy 16 partııa qatysyp otyr: «Ata-Meken», «Bır-Bol», «Bırımdık», «Zamandash», «Qyrǵyzstan», «Mekenim Qyrǵyzstan», «Mekenim Yntymaǵy», «Mekenchıl», «Ordo», Aýǵan soǵysyndaǵy ardagerler men basqa da jergilikti jaýyngerlik urystarǵa qatysýshylar partııasy , «Respýblıka», «Reforma», «Sotsıal-Demokrattar», «Chon Kazat», «Yıman Nýrý», «Býtýn Qyrǵyzstan».
Saılaýǵa 3 mln 523 myń. 554 saılaýshy tirkelgen. Eldiń Syrtqy ister mınıstrliginiń jelisi boıynsha, shetelde 32 myń 602 adam daýys beredi.
Eske salla ketsek, Qazaqstan Respýblıkasynyń senatorlary Jogorký Kenesh depýtattaryn saılaýdy baıqaýǵa qatysady.