Erteń kún raıy qandaı bolady

ASTANA. KAZINFORM — Qazgıdromettiń málimetinshe 29 mamyrda elimizdiń birqatar óńirinde qolaısyz aýa raıy boljanyp otyr.

Túrkistan oblysy, Ońtústikte jáne taýly aýdandarda naızaǵaı men burshaq jaýýy yqtımal. Batys pen soltústikte shańdy daýyl boljanyp otyr. Soltústik-shyǵystan ońtústik-batysqa aýysatyn jel 15-20 m/s deıin kúsheıedi. Ońtústikte joǵary, soltústikte jáne shóldi-taýly aımaqtarda óte joǵary órt qaýpi saqtalady.
Shymkentte kúndiz naızaǵaı bolyp, ekpindi jel soǵady 15-20 m/s. Óte joǵary órt qaýpi saqtalady.

Jambyl oblysynyń taýly aýdandarynda naızaǵaı oınap, soltústigi men ońtústiginde shańdy daýyl turady. Jel ekpini 15-20 m/s jetedi. Soltústigi men ońtústiginde joǵary, batysy men shyǵysynda óte joǵary órt qaýpi.

Almaty oblysynda soltústik-shyǵys jáne shyǵystan soǵatyn jel ekpini soltústikte kúndiz 15-20 m/s deıin jetedi.

Aqmola oblysynyń soltústik, shyǵys jáne ońtústiginde naızaǵaı bolady. Jel baǵytyn ózgertip, ekpini 15-20 m/s jetedi.

Mańǵystaý oblysy men Aqtaý qalasynda joǵary órt qaýpi saqtalady.

Aqtóbe oblysynda jel ekpini kúndiz ońtústik pen shyǵysta 15-18 m/s jetedi. Ońtústigi men soltústiginde joǵary, ońtústik-shyǵys pen batysynda óte joǵary órt qaýpi boljanyp otyr.

Atyraý oblysynyń batysy men ońtústiginde shańdy daýyl turady. Kúndiz +35°S ystyq bolady. Jel ekpini 15-20 m/s jetedi. Óte joǵary órt qaýpi saqtalady.

Qyzylorda oblysynyń soltústigi men ortalyǵynda shańdy daýyl turady. Jel ekpini 15-20 m/s jetedi. Órt qaýpi óte joǵary bolady.

Soltústik Qazaqstan oblysynda naızaǵaı bolyp, jel ekpini 15-20 m/s jetedi. Shyǵys Qazaqstan oblysynda túnde soltústik pen shyǵysynda qar aralas jańbyr jaýady. Tuman túsip, túnde -2°C deıin úsik bolady. Jel ekpeni 15-18 m/s jetedi.

Abaı oblysynda túnde jáne tańerteń tuman bolady. Shyǵysta -2°C úsik júredi. Ortalyq pen ońtústikte jel ekpini 15-18 m/s jetedi. Ońtústikte óte joǵary órt qaýpi saqtalady.

Jetisý oblysynda jel ekpini 15-20 m/s jetedi. Shyǵysynda, ońtústik-shyǵysynda óte joǵary órt qaýpi saqtalady.

Batys Qazaqstan oblysynde jel ekpini 15-20 m/s jetedi. Ońtústigi men shyǵysynda, soltústigi men ortalyǵynda joǵary órt qaýpi saqtalady.

Qaraǵandy oblysynda jel ekpini 15-18 m/s jetedi. Ulytaý oblysynda jel ekpini 15-20 m/s jetedi. Ońtústiginde órt qaýpi óte joǵary bolady. Jezqazǵanda jel ekpini 15-20 m/s jetedi. Pavlodar oblysynda Shyǵys pen ortalyqta, ońtústik-shyǵysta óte joǵary órt qaýpi saqtalyp otyr.

Qostanaı oblysynyń ońtústiginde óte joǵary órt qaýpi saqtalyp otyr.