Erteń QR Tuńǵysh Prezıdentiniń Mýzeıinde japon sýretshisi Tomoko Hoýkenyń jeke kórmesi ashylady
ASTANA. QazAqparat - Erteń Astanada QR Tuńǵysh Prezıdentiniń Mýzeıinde japondyq sýretshi Tomoko Hoýkenyń «Japonııanyń sulýlyq álemi» atty jeke kórmesi ashylady, dep habarlady mýzeıdiń baspasóz qyzmetinen.
Kórme, Mýzeıdiń «Mádenı úndesý» halyqararalyq jobasy aıasynda tarıhı sabaqtastyq, Qazaqstandaǵy Japonııa elshiligimen kóp jylǵy tabysty eńbektiń arqasynda uıymdastyrylyp otyr.
Tomoko Hoýke - japondyq klassıkalyq keskindemeniń izbasary jáne dástúrli japon kórkemóner mektebiniń mırasqory.
«Japonııanyń sulýlyq álemi» - sýretshiniń qazaqstandaǵy alǵashqy kórmesi. Astana qonaqtary men turǵyndary, bir aı boıy ejelden qalyptasqan japondyq dástúrli mánerde oryndalǵan keskindemelermen tanysa alady.
24 qyrkúıekte Tomoko Hoýke «Japonııanyń sulýlyq álemi» týraly óziniń túsinigi men tájirıbesin bólisý maqsatynda, Mýzeı janyndaǵy Beıneleý óneri stýdııasynyń oqýshylaryna arnap sheberlik saǵatyn ótkizedi.
