Erteń QR Prezıdenttik mádenıet ortalyǵynda Qazaqstan sýretshileriniń kórmesi ashylady

QR Prezıdenttik mádenıet ortalyǵynda qala kúni qarsańynda ıgi sharalar ótkizý jyl saıynǵy dástúrge aınalǵan. Bıyl da Ortalyq qala turǵyndary men qonaqtaryna beıneleý jáne qoldanbaly óner sheberleriniń kórmesin tamashalaý múmkindigin syılaǵaly otyr.

Kórmege Qazaqstan sýretshileriniń azat eldiń damýy men ulttyń mádenıeti jaıly shyǵarmalary engizildi. Kelýshiler beıneleý ónerinde býyny qatyp úlgirmegen jas sýretshiler men óz isiniń has sheberleriniń ulttyq taqyryptaǵy eńbekterimen tanysa alady.

Kórmeniń maqsaty- Qazaqstan qylqalam sheberleriniń beıneleý ónerindegi eńbekterin nasıhattaý.

«Keskindeme», «Músin», «Grafıka», «Toqyma» jáne «Zergerlik buıymdar» bólimderinde 72 sýretshiniń barlyǵy 140-tan astam týyndysy usynylady.

Іs-sharaǵa QR Prezıdent Ákimshiligi, QR Parlamenti depýtattary, memlekettik organdardyń basshylary, elshilikter ókilderi, mádenıet jáne qoǵam qaıratkerleri qatysady dep kútilýde.