Erteń QR Prezıdentiniń kezekten tys saılaýyndaǵy aqparattyq daýlardy qaraý jónindegi Qoǵamdyq Keńestiń alǵashqy otyrysy ótedi

Bul týraly búgin Ortalyq saılaý komıssııasynyń kezekti otyrysynda atalmysh komıssııa tóraǵasy Qýandyq Turǵanqulov málim etti.

Onyń sózine qaraǵanda, atalmysh Qoǵamdyq Keńes bıylǵy jyldyń naýryz aıynyń 1-i kúni Ortalyq saılaý komıssııasy tóraǵasynyń sheshimi negizinde 3 sáýirge taǵaıyndalǵan kezekten tys Prezıdent saılaýyndaǵy aqparattyq daýlardy sheshý maqsatynda qurylǵan. Atalmysh qoǵamdyq keńestiń quramyna OSK men Baılanys jáne aqparat mınıstrliginiń, Ádilet mınıstrliginiń jáne buqaralyq aqparat quraldarynyń ókilderi kirip otyr. Keńes saılaýaldy úgit naýqany barysynda oryn alǵan aqparattyq daýlardy alqa otyrysynda qarap, sheshedi jáne ol OSK janyndaǵy konsýltatıvti keńes berýshi organ bolyp esepteledi. «Keńestiń negizi maqsaty -Prezıdenttikke kandıdattardyń aqparat quraldaryna qoljetimdiligin teńdeı qamtamasyz etip, saılaýaldy úgit jumystarynyń aqparat quraldarynda obektıvti baqylaý bolyp tabylady», - dedi Q.Turǵanqulov.

Budan buryn habarlaǵanymyzdaı, Qoǵamdyq Keńestiń tóraıymy bolyp QR Ortalyq saılaý komıssııasynyń múshesi Lázzat Súleımen taǵaıyndaldy. Qoǵamdyq keńestiń quramyna tóraıymnan basqa segiz adam kirip otyr. Olar: QR Baılanys jáne aqparat mınıstrligi Aqparat jáne muraǵat komıtetiniń tóraǵasy Bolat Bersebaev, «Egemen Qazaqstan» respýblıkalyq gazeti» AQ prezıdenti Saýytbek Abdrahmanov, «Aıqyn gazeti» JShS bas redaktory Nurtóre Júsip, «7 Arna» telearnasynyń Baıqaýshylar keńesiniń tóraıymy Bıbigúl Jeksenbaı, «Bas redaktorlar klýby» Qoǵamdyq birlestiginiń vıtse-prezıdenti Mirbolat Kúnbaev, «Kazahstanskaıa pravda» respýblıkalyq gazeti» AQ basqarma tóraǵasy Aleksandr Tarakov, QR Ortalyq saılaý komıssııasy apparaty zań bóliminiń meńgerýshisi Arman Qapesov jáne QR Ádilet mınıstrligi Іshki ákimshilik departamentiniń dırektory Evgenııa Holmetskaıa.

Qoǵamdyq Keńes saılaý aldyndaǵy úgitti júzege asyrý kezinde týyn­daı­tyn aqparattyq daýlardy alqaly qa­raý úshin quryldy jáne Qazaqstan Respýblıkasy Ortalyq saılaý ko­mıs­sııasynyń janyndaǵy konsýl­ta­tıv­tik-keńesshi organ bolyp tabylady.

Qoǵamdyq Keńes óz qyzmetinde Qazaqstan Respýblıkasynyń Konstı­tý­tsııa­syn, «Qazaqstan Respýblıka­syn­daǵy saılaý týraly» Qazaqstan Respýblıkasynyń Konstıtýtsııalyq Zańyn, «Buqaralyq aqparat qural­da­ry týraly» Qazaqstan Respýb­lı­ka­synyń Zańyn, sondaı-aq ózge de normatıvtik quqyqtyq aktilerdi jáne osy Erejeni basshylyqqa alady.

Barlyq saılaý protsesine qa­ty­sý­shylardyń buqaralyq aqparat qu­ral­daryna teń qol jet­kizýin qamtamasyz etýge jáne saı­laý aldyndaǵy naýqan barysyn BAQ-ta obektıvti jarııa etýge járdemdesý; BAQ jáne olardyń qyzmetker­leri­niń saılaý protsesine qatysýshy­lar­men ózara qarym-qatynastardaǵy múd­deleri men zańdy quqyqtaryn qorǵaý; BAQ qyzmetinde etıka nor­ma­la­ry men kásibı prıntsıpterdiń saq­ta­lýyna yqpal etý, saılaý protsesine qa­tysýshylar men BAQ arasyndaǵy daýlardy jáne ózge de jaǵdaılardy sheshýge qatysý Qoǵamdyq Keńestiń negizgi mindetteri bolyp tabylady.

Qoǵamdyq Keńestiń quzyretine saılaý protsesine qatysýshylardyń qyzmeti men olardyń saılaý naýqany ýaqytynda saılaý zańnamasyn saq­taýy týraly ótinishterdi qaraý jáne olar boıynsha sheshimder qabyldaý kiredi.

Qoǵamdyq Keńes óz quzy­re­ti­niń sheginde: ortalyq atqarýshy jáne basqa da memlekettik organdarmen, uıym­darmen, qoǵamdyq birlestiktermen ózara is-qımyl jasaýǵa; Ortsaılaýkomǵa aqparattyq daýlardy sheshý jóninde usynystar men usynymdar engizýge; zańnamada belgilengen tártip­pen azamattardan jáne qoǵamdyq birlestikterden, memlekettik organdar men basqa da uıymdardan Qoǵamdyq Ke­ńestiń mindetterin iske asyrý úshin qajetti materıaldardy suratýǵa jáne alýǵa; óz otyrystarynda saılaý protsesine qatysýshylardy, memlekettik organdardyń laýazymdy adamdaryn, BAQ ókilderin saılaý týraly zańna­ma­nyń talaptaryn saqtaýy jóninde tyńdaýǵa; saılaý aldyndaǵy kezeńde BAQ-qa uıymdastyrýshylyq-ádiste­me­lik, aqparattyq jáne ózge de kó­mek­ti kórsetýge;óz qyzmetine sarapshylar men mamandardy tartýǵa; Qoǵamdyq Keńestiń qyzmeti týraly materıaldardy Ortsaılaý­kom­nyń resmı web-saıtynda jarııa­laý­ǵa quqyly.

Qoǵamdyq Keńes otyrystaryn onyń tóraǵasyn saılaý naýqany keze­ńinde qajettilik shamasyna qaraı sha­qyrady.

Qoǵamdyq Keńes otyrystary Qo­ǵamdyq Keńes músheleriniń jalpy sanynyń úshten ekisi bolǵan kezde zańdy.

Qoǵamdyq Keńestiń sheshimderi qatysyp otyrǵan Qoǵamdyq Keńes músheleriniń jalpy sanynyń kóp­shi­lik daýysymen qabyldanady jáne usy­nymdyq sıpatta bolady.

Qoǵamdyq Keńestiń sheshimderi jurtshylyqtyń nazaryna materıal­dar­dy BAQ-ta jarııalaý nemese Ort­saılaýkomnyń resmı web-saıtynda ornalastyrý arqyly jetkiziledi.

Qoǵamdyq Keńes tóraǵasy Qoǵam­dyq Keńestiń sheshimderine jáne bas­qa da qujattaryna qol qoıady, oty­rysqa engiziletin máselelerdi aıqyn­daıdy, ózge de uıymdastyrýshylyq-ókimgerlik fýnktsııalardy oryn­daıdy.

Qoǵamdyq Keńes tóraǵasy bolmaǵan kezeńde otyrystarda onyń tapsyrýy boıynsha Qoǵamdyq Keńes músheleriniń bireýi tóraǵalyq etedi.

Qoǵamdyq Keńes qyzmetin uıymdastyrýshylyq jáne aqparat­tyq qamtamasyz etýdi Ortsaı­laý­kom­nyń apparaty júzege asyrady.