Erteń QR Prezıdenti tuńǵysh memlekettik saparmen Indonezııa Respýblıkasyna attanady
ASTANA. 11 sáýir. QazAqparat - 12-14 sáýirde QR Prezıdenti Nursultan Nazarbaev Indonezııa Respýblıkasyna tuńǵysh memlekettik sapary ótedi.
Bul týraly búgin QR Syrtqy ister mınıstrliginiń resmı ókili Altaı Ábıbýllaev málim etti.
Joǵary deńgeıdegi Qazaqstan-Indonezııa yntymaqtastyǵyn damytýǵa baǵyttalǵan sapar aıasynda Memleket Basshysynyń Indonezııa Prezıdenti Sýsılo Bambang ıÝdhoıonomen, Ekonomıka máseleleri boıynsha memlekettik úılestirýshisimen, Parlament tóraǵasymen jáne iskerlik top ókilderimen kezdesýleri josparlanǵan.
«Kelissózder barysynda Qazaqstan-Indonezııa baǵyty boıynsha ekijaqty jáne kópjaqty yntymaqtastyqtyń aýqymdy máseleleri, onyń bolashaǵy men aımaqtyq jáne halyqaralyq taqyryptary talqylanady. Olardyń qatarynda Qazaqstannyń IYU-ǵa tóraǵalyǵynyń basty basymdyqtary bar. Sonymen qatar Elbasynyń memlekettik sapary barysynda eki memlekettiń isker toptarynyń qatysýymen bıznes-forým ótkizý josparlanyp otyr», - dep atap ótti A. Ábıbýllaev.
