Erteń kókpardan I Álem chempıonatynyń aqtyq saıysy ótedi
ASTANA. QazAqparat - 27 tamyz kúni Astanadaǵy «Qazanat» atshabarynda Kókpardan I Álem chempıonatynyń fınaly ótedi. Keshe saǵat 17.00-de jarystar aıaqtaldy. Upaı sandary boıynsha fınalǵa shyqqan eki komanda anyqtaldy. Sonymen qatar, 27 tamyz kúni saǵat 17.00-de 3 oryn ıesi anyqtalsa, saǵat 18.00-de aqtyq saıys bolady.
Aıta keteıik, sharanyń uıymdastyrýshylary: QR Mádenıet jáne sport mınıstrligi, QR «Ulttyq sport túrleri qaýymdastyǵy». Áleýmettik seriktes - «Samruk-Kazyna Trust» áleýmettik jobalardy damytý qory.
Jarysqa álemniń 11 memleketinen 200 jýyq sportshy qatysty. Jerebe nátıjesinde «A» tobyna Qyrǵyzstan, Túrkııa, AQSh, Ózbekstan, Mońǵolııa jáne Tájikstan kirdi. «V» tobynda Qazaqstan, Ázirbaıjan, Reseı, Vengrııa, Qytaı men Aýǵanstan óner kórsetti. Jarystyń jalpy qory - 18 mln teńgeni quraıdy. I oryn - 10 mln tg, II oryn - 5 mln tg, III oryn - 3 mln tg. Erejege sáıkes, shabandozdar serkeniń rezeńke naqpishinin qolǵa túsirip, qarsylasqa qoldan bermeı, qarsylas komandanyń shartty qaqpasyna dál laqtyryp túsirýleri qajet.
