Erteń Qyrǵyzstan prezıdenti Sadyr Japarov Ózbekstanǵa memlekettik saparmen barady
TAShKENT. KAZINFORM – Ózbekstan basshysy Shavkat Mırzıeevtiń shaqyrýymen Qyrǵyzstan prezıdenti Sadyr Japarov 18-19 shildede osy elge memlekettik saparmen keledi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Josparlanyp otyrǵan sapar týraly Qyrǵyzstan prezıdenti ákimshiliginiń Syrtqy saıasat bóliminiń meńgerýshisi Mýratbek Azymbakıev málimdedi.
«Sapar aıasynda Prezıdent Sadyr Japarov Ózbekstan prezıdenti Shavkat Mırzıeevpen ekijaqty kelissózder júrgizedi. Taraptar eki jaqty yntymaqtastyqtyń ózekti máselelerin, sondaı-aq qyrǵyz-ózbek qatynastaryn damytý perspektıvalaryn talqylaıdy. Munymen qatar, Sadyr Japarov Qyrǵyzstannyń Ózbekstandaǵy mádenıet kúnderiniń resmı ashylý saltanatyna qatysady», - dep málim etti ol.
Sonymen qatar saparǵa oraı qyrǵyz-ózbek bıznes-forýmy jáne Qyrǵyzstan men Ózbekstan joǵary oqý oryndary rektorlarynyń forýmy sııaqty birqatar is-shara uıymdastyrylmaq.
