Erteń QHR Búkilqytaılyq halyq ókilderi jınalysy tóraǵasynyń orynbasary Qazaqstanǵa keledi

ASTANA. KAZINFORM – 23-27 qańtarda QHR Búkilqytaılyq halyq ókilderi jınalysy tóraǵasynyń orynbasary Hao Mıntszınniń Qazaqstanǵa sapary ótedi.

Bul týraly Syrtqy ister mınıstrliginiń resmı ókili Aıbek Smadııarov málim etti.

— 23-27 qańtarda QHR Búkilqytaılyq halyq ókilderi jınalysy tóraǵasynyń orynbasary Hao Mıntszın Qazaqstanǵa keledi. Sapar eki el arasyndaǵy yntymaqtastyqty odan ári nyǵaıtýǵa baǵyttalǵan. Onyń aıasynda QR Parlamenti Senaty men Májilisiniń tóraǵalary Máýlen Áshimbaevpen jáne Erlan Qoshanovpen kelissóz, Májilis tóraǵasynyń orynbasary Albert Raýmen, Qazaqstan Premer-Mınıstriniń birinshi orynbasary, Roman Sklıarmen, sondaı-aq Almaty qalasy máslıhatynyń tóraǵasy Meıirjan Otynshıevpen kezdesýi josparlanǵan, — dedi SІM resmı ókili.