Erteń QazUÝ-de «Qazaqstan jastar kongresiniń» kýbogy úshin pikirsaıys týrnıri ótedi

Týrnırdiń uıymdastyrýshysy «Qazaqstan jastar kongresi», sharany qoldaýshy ál-Farabı atyndaǵy Qazaq ulttyq ýnıversıtetiniń jastar uıymynyń komıteti.

Uıymdastyrýshylar pikirsaıysty jańa baǵytta, casual stılinde órbitpek. Qalanyń úzdik spıkerleri elimizdiń túıitkildi máselelerimen qatar el egemendigin alǵaly beri jetken jetistikteri men baǵyndyrǵan asýlardy da tilge tıik etpek.

Ál-Farabı atyndaǵy Qazaq ulttyq ýnıversıtetiniń jastar uıymy komıtetiniń málimeti boıynsha, pikirsaıys barysynda memlekettik strategııalar men baǵdarlamalar talqyǵa salynbaq. Bul árbir jastyń patrıottyq sezimimen qatar, saıasatqa degen qushtarlyǵyn oıatyp, Qazaqstannyń gúldenýine septigin tıgizer ózge de baǵdarlamalar men tyń oılardyń sarapqa salynatyn kezi.

Elbasy Nursultan Ábishuly Nazarbaev qashanda ıntellektýaldy stýdentterdiń áleýetin arttyrý úshin óz yqpalyn tıgizip, oń kózqarasyn bildirip keledi.

Uıymdastyrýshylardyń aıtýy boıynsha, pikirsaıystaǵy tushymdy oılar men súbeli sózder ıntellektýaldy jastardyń saıasatqa degen talpynysyn, erik-jigerin arttyryp qana qoımaı, bolashaq el kóshbasshylaryn tárbıelese kerek.