Erteń Qazaqstannyń birqatar óńirlerinde kún sýytady
ASTANA. QazAqparat - Astanada 30 mamyr, juma kúni kún sýytady dep kútilýde. Bul týraly elordalyq TJ departamentiniń baspasóz qyzmetinen habarlady.
«Astana qalasynyń Tótenshe jaǵdaılar departamenti» «Qazgıdromet» RMK derekterine súıensek, Astana qalasynda 2014 jylǵy 30 mamyrda 0-2 gradýsqa deıin sýytady dep kútilýde», - delingen TJD habarlamasynda.
Qazaqstan aýmaǵyna baıaýlap jetken sýyq atmosferalyq aǵyndar Qazaqstannyń barlyq aýmaǵyna áser etip, jaýyn-shashyn bolady, shyǵys oblystarda 30 jáne 31 mamyrda túnde jaýǵan jaýynnyń arty jylbysqy qarǵa ulasýy múmkin. «Sýyq antıtsıklon Qazaqstannyń soltústik bóligine arktıkalyq aýa ákelip, jer-jerlerde túngi temperatýra 0-5 gradýsqa jetýi múmkin. Ońtústikte jáne ońtústik-shyǵysta mamyrdyń sońǵy kúnderi jańbyr jaýyp, kún kúrkirep, artynsha burshaqqa ulasýy yqtımal, jeldiń kúshi 18-25 m/s-qa jetedi, kúndizgi temperatýra 17-27 gradýsqa deıin jyly bolady», - delingen habarlamada.
