Erteń Qazaqstannyń basym aýmaǵynda jańbyr jaýyp, jel kúsheıedi
ALMATY. 29 sáýir. QazAqparat - Tsıklon men aýa aǵyndarynyń áseri saldarynan Qazaqstannyń basym aýmaǵynda jańbyr jaýyp, jel kúsheıedi, keı jerlerde naızaǵaı oınap, tuman basady. Tek respýblıkanyń ońtústigi men batysynda ǵana jaýyn-shashynsyz bolady. Bul týraly Qazgıdromet málimetterine silteme jasap QR TJM baspasóz qyzmeti habarlady.
Pavlodar oblysynda ońtústik-batystan soqqan jel kúsheıip, jyldamdyǵy sekýndyna 17-22 metrge jetedi, naızaǵaı oınaıdy. Shyǵys Qazaqstan, Soltústik Qazaqstan oblystarynda, túnde Atyraý oblysynda keı jerlerde naızaǵaı oınap, ekpini sekýndyna 15-20 metrge jetetin jel soǵady, al Soltústik Qazaqstan oblysynda jel jyldamdyǵy sekýndyna 25 metrge jetedi.
Jambyl, Qaraǵandy, túnde Aqtóbe oblysynyń keı jerlerinde qatty jel soǵady. Aqmola, Qostanaı oblystarynyń keı jerlerin tuman basyp, jel kúsheıedi. Qostanaı oblysynda naızaǵaı oınaıdy. Mańǵystaý oblysynda keı jerlerdi tuman basady.
Taıaý úsh táýlikte aýa temperatýrasynyń kóterilýine, qardyń erýine jáne jańbyr jaýýyna baılanysty Shyǵys Qazaqstan oblysynyń ózenderiniń basym bóliginde sý deńgeıi kóteriledi. Buqtyrma ózeninde sý qaýipti belgiden asyp, sý tasqyny oryn alýy múmkin. Ertis ózeniniń Pavlodar oblysy aýmaǵynda deńgeıi kóterilýi jalǵasady. Respýblıkanyń ońtústik jáne ońtústik-shyǵys ózenderinde sý deńgeıiniń aýytqýy baıqalady.
