Erteń Qazaqstannyń basym bóligin tuman basady
ASTANA. KAZINFORM – «Qazgıdromet» RMK-sy elimizdiń 15 oblysy men Astanada kún raıyna baılanysty eskertý jarııalady.
Kásiporyn boljamyna qaraǵanda, Astanada 19 naýryzda tuman men kóktaıǵaq bolady.
19 naýryzda Batys Qazaqstan oblysynyń batysynda, soltústiginde jáne ońtústiginde tuman men kóktaıǵaq bolady. Oral qalasynda da tuman men kóktaıǵaq boljanyp otyr.
Aqtóbe oblysynyń soltústiginde, shyǵysynda jáne ortalyǵynda tuman bolady. Aqtóbe qalasynda túnde jáne tańerteń tuman.
Qostanaı oblysynyń soltústiginde, shyǵysynda jáne ońtústiginde tuman boljanady. Qostanaı qalasynda da tuman bolady.
Ulytaý oblysynyń soltústiginde, shyǵysynda jáne ortalyǵynda tuman túsedi. Jezqazǵanda mezgil-mezgil tuman túsedi.
Qaraǵandy oblysynyń batysynda, soltústiginde jáne shyǵysynda tuman bolady. Joldarda kóktaıǵaq bolady. Qaraǵandy qalasynda da keı ýaqytta tuman túsip, joldar taıǵaq bolady.
Aqmola oblysynda tuman men kóktaıǵaq boljanady. Kókshetaýda túnde jáne tańerteń tuman túsip, joldarda kóktaıǵaq bolady.
Mańǵystaý oblysynyń ońtústigi men ortalyǵynda túnde jáne tańerteń tuman bolady.
19 naýryz kúni jáne 20 naýryz Jetisý oblysyndaǵy Alakól kólderi mańynda soltústik-batystan soqqan jeldiń ekpini sekýndyna 15–20 metrge jetedi.
Pavlodar oblysynyń ońtústigi men shyǵysynda tuman, túnde jáne tańerteń joldarda kóktaıǵaq bolady. Pavlodar qalasynda da tuman túsip, joldar taıǵaq bolady.
Abaı oblysynyń soltústiginde kúndiz kóktaıǵaq bolady. Oblystyń batysynda, soltústiginde jáne ortalyǵynda tuman túsedi. Semeı qalasynda kúndiz kóktaıǵaq, al túnde jáne tańerteń tuman túsedi.
19 naýryzda Shyǵys Qazaqstan oblysynyń soltústiginde kóktaıǵaq bolady. Oblystyń soltústiginde, shyǵysynda jáne ońtústiginde tuman túsedi. Óskemende tuman túsedi.
Atyraý oblysynyń soltústigi men shyǵysynda túnde jáne tańerteń tuman túsedi.
19 naýryz kúni Jambyl oblysynyń taýly aýdandarynda naızaǵaı bolady. Oblystyń ońtústigi men taýly óńirlerinde tuman túsedi. Soltústik-shyǵystan soǵatyn jeldiń ekpini taýly aýdandarda sekýndyna 15–20 metrge jetedi. Tarazda keı ýaqytta tuman túsedi.
Túrkistan oblysynyń ońtústigi men taýly aýdandarynda jańbyr men naızaǵaı kútiledi. Oblystyń soltústigi men taýly óńirlerinde tuman bolady. Jel shyǵystan soǵyp, keıin ońtústik-batysqa aýysady, ekpini sekýndyna 15–20 metrge deıin jetedi.
Shymkentte tańerteń jáne kúndiz jańbyr men naızaǵaı kútiledi. Jel shyǵystan soǵyp, kúndiz ońtústik-batysqa aýysady, ekpini sekýndyna 15–20 metrge deıin kúsheıedi.
Soltústik Qazaqstan oblysynyń soltústigi men shyǵysynda túnde azdaǵan qar, jaıaý burqasyn jáne kóktaıǵaq bolady. Kúndiz de osy óńirlerde jaýyn-shashyn (jańbyr, qar), jaıaý burqasyn jáne kóktaıǵaq bolady. Oblystyń batysynda, soltústiginde jáne ońtústiginde tuman túsedi. Jel ońtústik-batystan, batystan soǵady, kúndiz ekpini sekýndyna 15–20 metrge jetedi. Petropavlda túnde jáne tańerteń tuman men kóktaıǵaq bolady, jel ekpini de kúsheıedi.
Buǵan deıin Qazaqstanda naýryz aıy jyly ári jaýyn-shashyndy bolady, al sáýirde el aýmaǵynyń basym bóliginde aýa temperatýrasy klımattyq normadan joǵary bolady dep boljanǵan.
Osyǵan deıin Naýryz merekesinde aýa raıy qalaı bolatyny týraly jazdyq.