Erteń qazaqstandyq boksshy Eıýbov AQSh-ta jekpe-jegin ótkizedi
ASTANA. QazAqparat - Búgin qazaqstandyq boksshy Bahtııar Eıýbov AQSh-ta bolatyn jekpe-jek aldyndaǵy salmaq ólsheý rásiminen sátti ótti, dep habarlaıdy QazAqparat tilshisi.
Shara AQSh-taǵy Detroıt qalasynda MGM Grand Detroit arenasynda ótken. Qazaqstandyqtyń bul jolǵy qarsylasy jergilikti Gılbert Venegas (15-26-5, 8KO). Eki sportshy da jartylaı orta salmaqta judyryqtasady. Erteńgi kezdesý 6 raýndtan turady. Bul keshti amerıkalyq Showtime telearnasy tikeleı efırde kórsetpek.
Esterińizge sala ketsek, Eıýbov kásipqoı boksta 11 kezdesý ótkizip, barlyǵynda da jeńiske jetken, onyń ishinde on kezdesýdi ýaqytynan buryn aıaqtaǵan.
