Erteń qazaqstandyq 4 boksshy AQSh-ta jekpe-jekke shyǵady

NUR-SULTAN. QazAqparat – 5 maýsym, jeksenbi kúni tańerteń Mınneapolıs (AQSh) qalasynda tórt qazaqstandyq boksshy - Bek Nurmaǵanbet (6-0, 4 KO), Evgenıı Pavlov (6-0, 4 KO), Abylaıhan Júsipov (1-0, 0 KO) jáne Ábilhan Amanqul debıýttik aıqas ótkizedi, dep habarlaıdy Sports.kz.

Boks keshiniń tikeleı translıatsııasy Nur-Sultan ýaqytymen tańǵy 07:00-de bastalady.

Bek Nurmaǵanbet amerıkalyq Haınell Ýılermen (7-1, 6 KO) kezdesedi. Sýperorta salmaqtaǵy bul jekpe-jek alty raýndqa eseptelgen.

Nurmaǵanbet - kásipqoı boksta WBA International chempıony.

Evgenıı Pavlov meksıkalyq Aleksıs Salıdomen (2-2, 1 KO) aıqas ótkizedi. Kezdesý alty raýndqa josparlanǵan.

Pavlov ta WBA International chempıony (ekinshi jeńil salmaqtaǵy).

Abylaıhan Júsipov kásibı mansabyndaǵy ekinshi aıqasynda tájirıbeli meksıkalyq Edgar Ramırespen (18-20-1, 14 KO) judyryqtasady.

Jekpe-jek jartylaı orta salmaqta tórt raýndtyq formatta ótedi. Júsipov áýesqoı boksta eki ret Qazaqstan chempıony atanǵan, sondaı-aq úsh ret álem chempıonatynyń «qolasyn» jeńip aldy.

Ábilhan Amanqul kásibı rıngte debıýttik aıqasyn ótkizedi: ol amerıkalyq boksshy Devonte Makdonaldpen (1-0, 1 KO) aıqasady.

Jekpe-jek tórt raýndqa josparlanǵan. Amanqul áýesqoı boksta úsh ret Qazaqstan chempıonatyn jeńip aldy, sondaı-aq álem chempıonatynda «kúmis» júldege ıe.