Erteń Qazaqstanda aýa raıy jaýyn-shashynsyz bolady
ASTANA. 16 tamyz. QazAqparat - Qazaqstan aýmaǵynyń basym bóligi 16 tamyz kúni, senbide joǵary qysym yqpalynda bolady, aýa raıy jaýyn-shashynsyz bolady dep kútilýde. Soltústikte túnde keı jerlerde tuman túsedi dep kútilýde, ońtústikte shań kóterilip, daýyl turady, dep habarlaıdy Qazgıdromet.
Eldiń soltústik-batysy men shyǵysynyń keı jerlerinde jańbyr jaýyp, naızaǵaı jarqyldaıdy dep kútilýde. Túnde jáne tańerteń keı jerlerde tuman túsedi. Jambyl oblysynyń keıbir jerlerinde shań kóterilip, daýyl turýy yqtımal. Jel 15-20 m/s-qa deıin kúsheıedi, jel ekpini 23-28 m/s bolady. Ońtústik Qazaqstan, Qyzylorda, Qostanaı oblystarynda keı jerlerde jel 15-20 m/s-qa kúsheıedi, Qyzylorda oblysynda shań kóterilip, daýyl turady. Soltústik Qazaqstan, Pavlodar, Qaraǵandy, Shyǵys Qazaqstan oblystarynda túnde jáne tańerteń keı jerlerde tuman túsedi dep kútilýde.
Atyraý oblysynda, Batys Qazaqstan, Qostanaı oblystarynyń keı jerlerinde qatty ystyq bolady dep kútilýde. Respýblıkanyń ońtústiginde, ortalyǵynyń keı jerlerinde jáne ońtústik-shyǵysynda tótenshe joǵary órt qaýpi saqtalady.
Jýyrdaǵy úsh táýlikte respýblıkanyń ońtústik, ońtústik-shyǵysy men shyǵysynyń taýly ózenderinde sý deńgeıiniń turaqsyzdyǵy baıqalady. Qostanaı oblysynyń Tobyl (Qaratamar sý qoınaýynan tómen) jáne Úı ózeninde sý deńgeıi áli de tómendeı beredi. Oral ózenindegi sý deńgeıi kóterilýi múmkin.
