Erteń Qazaqstan Prezıdenti eldiń bas shyrshasyn jaǵady
ASTANA. 24 qarasha. QazAqparat /Gúlmıra Álıakparova/ - Erteń, 25 qarasha kúni Astanada Prezıdent Nursultan Nazarbaev Qazaqstannyń bas shyrshasyn saltanatty túrde jaǵady.
Bul týraly qala ákimdiginiń baspasóz qyzmetinen málim etti.
Esterińizge sala keteıik, jyl saıyn eldiń bas shyrshasy qalyptasqan dástúr boıynsha 1 jeltoqsan kúni jaǵylyp keldi. Bıyl 1,2 jeltoqsan kúnderi bas qalada EQYU-ǵa múshe elder basshylary sammıtiniń ótýine baılanysty, Jańa jyl meıramynyń alǵashqy jarshysy - bas shyrshany jaǵý rásimin erterek ótkizý uıǵaryldy.
Bıyl Qazaqstannyń bas shyrshasy Aqordanyń aldyndaǵy alańda ornatyldy. Onyń bıiktigi 30 metr. Shyrsha 650 oıynshyqpen jáne uzyndyǵy 700 metr jaryqtandyrǵysh quraldarymen áshekeılendi. Bas shyrshamen bir mezgilde Astananyń ár jerinde ornatylǵan taǵy 520 shyrsha shamdaryn jaǵatyn bolady.
