Erteń Qazaqstan-Qytaı shekarasynda avtobeketter jumys istemeıdi

ASTANA. QazAqparat – 6 shildede Qazaqstan-Qytaı shekarasyndaǵy avtomobıl ótkizý pýnktileri jumys istemeıdi, dep habarlaıdy QazAqparat Memlekettik kirister komıtetiniń baspasóz qyzmetine silteme jasap.

«Memlekettik kirister komıteti Qazaqstan Respýblıkasynyń Astana kúni merekesine baılanysty 6 shildede Qazaqstan-Qytaı shekarasyndaǵy avtomobıl ótkizý pýnktilerinde tulǵalardy, kólik quraldary men júkterdi ótkizý júrgizilmeıtinin habarlaıdy. Qazaqstan-Qytaı shekarasyndaǵy temirjol ótkizý pýnktteri shtattyq rejımde jumysyn jalǵastyrady. Tasymaldaýshylar men barlyq shekarany kesip ótýge nıet bildirýshilerdi engizilgen shekteýlerdi eskere otyryp, óz baǵyttaryn aldyn ala josparlaýdy suraımyz», - delingen resmı málimdemede.