Erteń Qazaqstan Grýzııany jeńý úshin alańǵa shyǵady - Stanımır Stoılov
ASTANA. QazAqparat - Beısenbi kúni ÝEFA Ulttar lıgasy D tobynyń 1-týry aıasynda Qazaqstan quramasy Grýzııany qabyldaıdy. Búgin ulttyq qurama bas bapkeri Stanımır Stoılovtyń oıyn qarsańyndaǵy baspasóz máslıxaty ótti, dep xabarlaıdy QazAqparat tilshisi.
«Ulttar lıgasy úlken fýtbol merekesine aınalady dep oılaımyn. Oıynshylar baryn salyp oınaıdy. Qyzý daıyndyq júrgizip jatyrmyz. Biraq erteń jankúıerlerdiń kóz aldynda, ulttyq qurama sapynda tósine eltańba taǵylǵan jeıdemen oınaıdy. Ol da oıynshylarǵa qosymsha áser etedi», - deıdi Stanımır Stoılov.
Bapker erteń Qazaqstan quramasy jeńis úshin alańǵa shyǵatynyn aıtty.
«Biz topty birinshi orynmen aıaqtaýǵa tıispiz. Erteń oıynnyń basynan aıaǵyna deıin uıymdasqan fýtbol kórsetýge áreket jasaımyz. Komandam kez kelgen taktıkaǵa qarsy oınaı alady. Iá, biz - jalpy týrnırde aýtsaıdermiz, biraq shákirtterimniń deńgeıi reıtıngtegi qazirgi orynnan áldeqaıda joǵary», - deıdi bapker.
Aıta keteıik, Ulttar lıgasy - ÝEFA-nyń jańa týrnıri. Ol Eýropa qurama komandalarynyń joldastyq kezdesýleriniń ornyna uıymdastyrylyp otyr.
