Erteń «Qazaqstan boks federatsııasy Kýbogy» sarapqa salynady
ASTANA. 13 jeltoqsan. QazAqparat - Jeltoqsannyń 14-15 kúnderi Astana qalasyndaǵy «Dáýlet» sport kesheninde «Qazaqstandyq boks federatsııasy Kýbogy» respýblıkalyq jarysynyń jartylaı fınaly jáne fınaly ótedi.
Tórtinshi ret uıymdastyrylyp otyrǵan doda el boksynyń 80 jyldyq mereıtoıyna arnalady.
Jeltoqsannyń 14-ne saǵat 15.00-de Astana qalasynyń jáne Ońtústik Qazaqstan oblysynyń komandalary jartylaı fınalda óner kórsetedi. Al, bul kúnniń ekinshi kezdesýinde Qaraǵandy oblysy jáne Mańǵystaý oblysynyń boksshylary rıngke shyǵady.
Jartylaı fınalǵa qatysatyn tórt komandanyń úsheýi buǵan deıin Qazaqstandyq boks federatsııasynyń júldelerin utyp alǵan. Astana qalasynyń quramasy - 2010 jyly, Qaraǵandy oblysynyń komandasy - 2011 jyly, Mańǵystaý oblysynyń ókilderi - 2012 jyly Kýbogqa ıe boldy. Al, Ońtústik Qazaqstan oblysynyń quramasy eki ret (2010, 2012 j.j.) osy jarystyń fınalyna qatysty.
«Qazaqstandyq boks federatsııasy Kýbogy» respýblıkalyq jarysynyń jartylaı fınalynyń barysynda tuńǵysh ret úsh salmaq dárejesi boıynsha áıelder arasyndaǵy jekpe-jekter ótedi. Al kelesi joly áıelder quramasy erler quramasymen teń dárejede óner kórsetetin bolady, dep habarlady alasharena.kz.
