Erteń QazAqparat HAA-da Qazaqstan men Qytaı turǵyndary úshin ınternet-vıktorına bastalady
ASTANA. QazAqparat - «QazAqparat» Halyqaralyq aqparat agenttiginiń saıtynda erteń, 18 naýryz kúni saıttyń úsh tildik nusqasynda Qazaqstan men Qytaı týraly «100 suraq-100 jaýap» ınternet-vıktorınasy bastalady.
Baıqaý 2014 jyldyń 18 sáýirine deıin jalǵasady. Osy ýaqyt aralyǵynda jaýaptyń tórt nusqasy bar Qytaı týraly 100 suraq qazaqstandyq oqyrmandarǵa usynylsa, dál sonsha suraq Qazaqstan týraly qytaılyq oqyrmandarǵa beriledi. Ol úshin qatysýshylarǵa inform.kz saıtyna tirkelý qajet. Árbir durys jaýapqa bir upaı beriledi. Jeńimpazdar baǵaly syılyqtarmen marapattalady. Marapattaý rásimi 19 sáýir kúni QazAqparat ǵımaratynda jáne Qytaıdaǵy Qazaqstan elshiliginde ótedi. Vıktorınanyń erejeleri agenttiktiń saıtynda jarııalandy. Eske sala keteıik, 14 naýryzda QazAqparat saıtynyń qytaı tilindegi nusqasy jaryq kórdi, sonyń aıasynda osy baıqaý ótkizilgeli otyr.
