Erteń Qasym-Jomart Toqaev Qytaıǵa resmı saparmen barady

17-18 qazan kúnderi Qazaqstan Prezıdenti Qytaı Halyq Respýblıkasyna resmı saparmen barady. Kazinform bul týraly Aqordaǵa silteme jasap habarlaıdy.

Beıjińde Qasym-Jomart Toqaev QHR Tóraǵasy Sı Tszınpınmen, QHR Memlekettik keńesiniń Premeri Lı Tsıanmen jáne Búkilqytaılyq halyq ókilderi jınalysy Turaqty komıtetiniń tóraǵasy Chjao Letszımen kelissóz júrgizedi, sondaı-aq joǵary deńgeıdegi «Bir beldeý, bir jol» bastamasynyń III forýmyna qatysady.

Sonymen qatar sapar aıasynda Qytaıdyń iri kompanııalary basshylarymen birqatar kezdesý ótkizý josparlanyp otyr.

Eske salaıyq, buǵan deıin Memleket basshysynyń 9-15 qazan aralyǵyndaǵy jumys aptasyna vıdeosholý jarııalanǵan bolatyn.