Erteń Iranda Parlament saılaýy ótedi
ASTANA. QazAqparat - Iranda 26 aqpanǵa belgilengen Parlament saılaýy aldynda tynyshtyq kúni bastaldy. Saılaýaldy úgitteýge 24 aqpanda jergilikti ýaqytpen saǵat 20:00-den (19:30) tyıym salynǵan.
18 aqpan kúni saılaý naýqany bastalǵannan beri Irannyń zań shyǵarýshy organyna depýtattyqqa úmitkerlerdiń sany 6229 adamnan shamamen 5550 adamǵa deıin qysqarǵan.
Iran azamattaryna Parlamentke tórt jyl merzimge 290 depýtatty tańdaý kerek. Sonymen bir ýaqytta tikeleı daýys berý jolymen 161 úmitkerden 88 din mamany men sharıat bilgirleri segiz jyldyq merzimge Sarapshylar keńesine saılanady. Daýys berý quqyǵyna 55 mln. jýyq ırandyq azamat ıe. Saılaý kezinde qaýipsizdikti búkil el boıynsha 250 myń polıtsııa qyzmetkeri qamtamasyz etedi, dep habarlaıdy TASS.
