Erteń Ǵ. Músirepov atyndaǵy Qazaq Memlekettik Akademııalyq balalar men jasóspirimder teatry 65-shi teatr maýsymyn jabady

Bul kúni Ǵ.Músirepovtiń «Qozy Kórpesh-Baıan Sulý» spektakli qoıylady.

Spektakldiń qoıýshy-rejısseri - Qazaqstannyń eńbek sińirgen qaıratkeri, Táýelsiz «Tarlan» syılyǵynyń laýreaty Janat Hadjıev, qoıýshy-sýretshisi - Erlan Tuıaqov, qoıylymnyń kompozıtory - Qazaqstannyń eńbek sińirgen qaıratkeri Aqtoty Raıymqulova. Sahna saıystaryn qoıǵan - Aman Qulbaev.

«Qozy Kórpesh-Baıan Sulý» spektakli jastyq pen mahabbat, sulýlyq pen náziktik, shynaıylyq pen ińkárlik, súıispenshilik pen adamgershilik, senim men sezim taqyryptarynan syr qozǵaıdy. Adamdyq pen adaldyqty sóz eter, sertke berik eki jastyń arasyndaǵy ǵashyqtyq jyrlaryn sherter qoıylym - óner men ómir, tárbıe-taǵylym mektebi ekeni haq. Uly Ǵabıt Músirepov jazǵan bul týyndy - kópshilik-kórermenge oqıǵasy jaǵynan óte keńinen tanys. Degenmen, bul jolǵy Qozy Kórpesh te, Baıan da - basqa... Jańa.