Erteń fýtboldan QFL Áıelder lıgasynyń oıyndary bastalady

ASTANA. KAZINFORM - Fýtboldan QFL Áıelder lıgasynyń oıyndary erteń, 17 mamyrda bastalady. Dop dodasy 4 qazanǵa deıin sozylady. 

El birinshiliginde «Aqtóbe», «BIІK-Shymkent», «Oqjetpes», «Ordabasy», «Tomırıs-Turan» áıelder fýtbol klýbtary synǵa túsedi. Oıyndar 4 aınalymǵa eeptelgen. Ol Shymkent, Aqtóbe, Kókshetaý jáne Túrkistan qalalarynda ótedi.

Dop dodasynda 20 týrǵa laıyqtalǵan 40 match josparlanǵan. Árbir klýb ár qarsylaspen tórt márte kezdesedi.

Týrnır juma kúni QFL Áıelder kýbogynyń qola júldegeri «Ordabasy» men túrkistandyq «Tomırıs-Turan» arasyndaǵy oıynmen bastalady. Matchtar Shymkent qalasyndaǵy «Bıik» sport kesheninde ótedi.

Eske salsaq, Qazaqstan fýtbol lıgasynyń prezıdenti Rafael Garıbıan qyzmetinen ketti.