Erteń elordalyqtar «Taza aýla» aktsııasyna qatysa alady

ASTANA. KAZINFORM — Astanada 18 sáýir kúni abattandyrý jáne aǵash otyrǵyzý boıynsha ekoaktsııalar ótedi, dep habarlaıdy elorda ákimdiginiń resmı saıty.

Astanada «Taza Qazaqstan» aýqymdy ekologııalyq aılyǵy jalǵasyp jatyr. Onyń aıasynda «Taza aýla» ataýymen abattandyrý sharalary uıymdastyrylyp keledi. 18 sáýirde qala boıynsha aýmaqtardy tazalaý aktsııalary ótedi.

— Osy senbide elordada aýlalardy sanıtarlyq tazalaý jumysy júrgiziledi. Atap aıtqanda, qoqys jınaý, turǵyn úılerdiń mańyn abattandyrý, balalar jáne sport alańdaryn retke keltirý, sondaı-aq aǵash otyrǵyzý jumysy josparlanǵan. Qala ákimdigi múlik ıeleri birlestikterin (MIB/PIK), bıznes ókilderin, volonterlerdi jáne belsendi turǵyndardy aktsııaǵa qatysýǵa shaqyrady, — delingen habarlamada.

Ekologııalyq aılyqtyń negizgi maqsaty — tazalyq mádenıetin qalyptastyrý, qorshaǵan ortaǵa uqypty qaraýdy dáripteý jáne turǵyndardyń aýlalar men qoǵamdyq keńistikterdiń jaı-kúıine degen jaýapkershiligin arttyrý.

Árbir turǵyn men uıym qala kósheleri men aýlalaryn abattandyrýǵa úles qosyp, ony taza, jaıly ári ekologııalyq turǵydan qolaıly etýge múmkindik alady.

Osyǵan deıin Qosshyda «Taza Qazaqstan» aıasynda ótken ekoploggıngige 1000-ǵa jýyq adam qatysqanyn jazǵanbyz