Erteń elordada «Mereıli otbasy» baıqaýynyń jeńimpazdary marapattalady

ASTANA. QazAqparat - Astanada 23 mamyrda «Mereıli otbasy» ulttyq baıqaýynyń qorytyndysy boıynsha saltanatty shara ótedi.

Erteń elordada «Mereıli otbasy» baıqaýynyń jeńimpazdary marapattalady

Úsh kezeńmen aýdandyq, oblystyq jáne respýblıkalyq deńgeıde uıymdastyrlyǵan ulttyq baıqaýdyń erejelerine sáıkes 2014 jylǵy 1-30 sáýir aralyǵynda Astana turǵyndarynan baıqaýǵa qatysýǵa ótinishter qabyldandy. Atalǵan kezeńde qalalyq ákimdikke 44 otbasydan ótinish kelip túsken, dep habarlanǵan elorda ákimdiginiń resmı saıtynda. Kandıdattardyń ishinde túrli salada jumys isteıtin mamandar da kóp. Atap aıtqanda, 12 muǵalimder otbasy, 4 dárigerler, 2 temirjolshylar, 2 sportshylar, 2 mádenıet ókilderiniń otbasy, 2 jýrnalıster, 13 jeke kásipkerler o tbasylary, 2 oralmandar, 5 zeınetkerler, memlekettik qyzmetkerler men basqa da salalarda eńbek etetin mamandardyń otbasylary bar.

Komıssııa otyrysynda baıqaýǵa qatysýǵa ótinish bergen barlyq otbasylardyń qujattary qaraldy. «Mereıli otbasy» baıqaýynyń qorytyndysy boıynsha úzdik otbasylardy marapattaý rásimi erteń, 23 mamyrda saǵat 16.00-de «Qazmedıa ortalyǵynda» ótedi.